GRUNNEGER OAVEND MIT AIGEN IENBRENG
Wie, Henk Aikema, Fré Schreiber en Piet de Winter, vienden dat ter mor ais weer n olderwetse Grunneger oavend kommen mout. n Oavend mit verhoalen, grappen, verskes, stukjes, van ales wat dat zo vrouger ook op bruloften en pertijen doan wer. Wie hebben kontakt zocht mit t Hippolytushoes en t zel wezen op 16 jannewoarie 2026 en din moaken wie der n nijjoarsverziede van. Oavend begunt om 19.45 uur en elk kin der hìn want wie willen gain ientree.
Veureg moal hebben wie mit zien drijent van ales doan, mor t is veul oardeger om der n open podium van te moaken. Dat holdt ien, dat elk dij doar oareghaid aan het gelegenhaid krigt wat te doun: zingen veurlezen of -droagen , wat nait. Ons dörpen stikken ja van telenten.
Wie willen joe ook wel helpen, Fré het der deuzen vol mit materioal stoan dij e van zolder van Mulder op t Zuderdaip hoald het ien Stad. Henk wil joe wel begelaaiden mit zingen en Piet kin helpen bie t vertellen. Moak der gebruuk van.
Denk der mor ais over noa en geef joe veur 1 december op bie Piet de Winter, pietertje185@outlook.com
t Mout aal roar worden as dat gain sukses wordt.
Veurberaaidenskemizzie,
Henk Aikema,
Fré Schreiber
Klaziena Werkman
Pieter de Winter
Bron: Piet de Winter (4 november 2025)